'O Peg-ebeg Minsa'y Masakit Ka sa Bangs!

Naghuhumiyaw ng hustisya ang isang HS student na pinagtaksilan kuno ng kanyang BF. Sabog na sabog ang damdamin ni Ineng sa FB statuses niya. Habang binabasa ko ang status dalawang bagay ang gusto kong gawin, una ay i-like ito. Feeling ko kasi mahalaga na maramdaman niya at this time na someone gets her point and understands what she has been experiencing.

Sa totoo lang, masakit ‘yun ha. Masakit ang mapaglaruan lalo na’t wala kang alam dahil all the time akala mo e totoo rin sayo ‘yung taong pinagkatiwalaan mo. Sa murang edad, si ineng eh hindi dapat nakikipag lablayp. Dapat eh sineseryoso ang pag-aaral at dun lang muna siya naka-focus. Kung alam ko lang sa una pa lang eh kinurot ko na ang singit ni ineng nang hindi na siya umibig. Pero, come to think of it, I guess nobody is out of the bowl kung ang tanong eh:

NA-IN LOVED KA BA NOONG HS STUDENT KA PA LANG?

Lahat marahil ay kumerengkeng dahil sa pana ni kupido. Who should be blamed? Aba eh napakasarap umibig. Kahit na ang mga Gods and Goddesses sa Mitolohiya ay nagaaway-away dahil sa pag-ibig na’yan.  Kahit pa ang mga nearly to perfection na anak ng Diyos ay naliligaw din ng landas kapag tinamaan ng love-spell.

Sa ganitong pagkakataon, naramdaman ko si ineng. Hindi pumasok sa isip ko ang mag-comment ng negative thoughts on her posts, and even thinking na sawayin siya at sabihan ng mga makatotohanang pangaral sa buhay. Naramdaman ko siya. Marahil hindi niya batid kung kanino tatakbo at i-iiyak ang kanyang kasawian.

Kung anu-ano ang mga nabasa kong komento mula sa kanyang mga kaibigan kuno. Karamihan ay paninisi at kung anu-anong ka-ek-ekan na wala namang magagawang mabuti.

Hindi na ako nagpatumpik-tumpik pa. Ginawa ko ang pangalawang bagay, which is i-mesage siya at sabihang burahin ang post niya.

Sa ganang akin, hindi masama ang mag-post ng kasawian sa fezbook. Truth yan. Walang masama. Pero dapat aware tayo sa mga consequences nito. Hindi lahat ng nilalang sa friend’s list natin ay totoong friends at makakaintindi sa mga hinaing mo sa buhay. Maaaring may iilan na makakaintindi pero mas marami ang pupuna at makikiusyoso lang.

Nakakatuwa na nakinig si ineng. Ilang minuto lang after naming magpalitan ng messages eh binura niya ang post niya.  Ramdam ko si ineng, ang pait at ang sakit na pinagdadaanan niya ngayon. Sabi ko nga sa kanya pwede na niyang isali sa MMK ang istory niya.

Sinabihan ko si ineng na dapat magpasalamat siya at maaga palang eh nakilala na niya ang tunay na kulay ng kanyang pekeng mangingibig. At pinaalalahanan kung maari ay ‘wag na munang pumasok sa isang relasyon dahil napakabata pa niya. Hindi naman mauubos ang lalaki sa mundo.  

Walang masamang tinapay kay ineng. Hindi pwedeng sa kanya isisi ang lahat-lahat. Isa lamang siya sa mga nabiktima at naloko ng iilang kampon ni Singkamas! Ang nakakaloka pa ang kampon na iyon ay may-edad kaysa sa kanya. Gusto kong sumigaw. Apekted ako. Kahit saan anggulo tignan: Mali. Maling Mali.

Napabuntung-hininga na lang ako at nasabing:

‘O peg-ebeg. Minsan masakit ka talaga sa bangs!

photo (c) google